25-тӥ оштолэзе Калыкъёслэн эшъяськон юртазы бигер но башкир кырӟасьёслэн «Язгы тамчы» XX улосвылкуспо фестивальзылэн гала-концертэз ортчоз. Ужрад кутскоз 10.00 часын.

Фестивалез 20-тӥ арзэ ини радъя Удмурт Элькунысь бигеръёслэн мерлыко центрзы. Татчы котькуд ар мылысь-кыдысь пырисько покчиос но, арлыдоос но. Фестивальлэн туръёсыз ортчизы Можгаын, Балезиноын но Ижкарын.

Фестивале пыриськыны луонлыксы вал котькыче йöслыко адямиослэн. Валтӥсь курон – бигер йöскалык крезьгурез тодон но быдэстон.

Ужрадэз ортчытыны юртто Калыкъёслэн эшъяськон юртсы, Удмурт Элькунысь йöскалык политикая министерство, Удмурт Элькунысь лулчеберетъя, печатья но ивортодэтъя министерство.

Ватсаса ивортодэт басьтыны луэ таӵе телефонъёсъя: 63-10-61, 63-10-29 – Абдуллина Алия Нагимовна, Гайнутдинова Лариса Алековна.