Конференциын УЭ-ысь йӧскалык политикая министерстволэн кичӧлтэмезъя радъям ӵектосъёсызлы йылпумъянъёс лэсьтэмын вал. Котькуд ӵектослэн валтӥсь ужпумез – со кунгожсьӧр студентъёслэн адаптацизицы но ӟуч кылэз дышетонзы.

Ужрадлэн кутсконаз ӟечкылан кылъёсын вазиськиз УЭ-ысь йӧскалык политикая министрлэн воштӥсез Александр Филатов.

«Котькуддылы тау вераме потэ: УдГУ-ысь, Глазов ГПИ-ысь студентъёслы, школаосысь дышетӥсьёслы но та ужрадэ вань пыриськисьёслы. Оскисько, радъям уж котькудӥзлы шумпотон мылкыд вайиз но юрттэт сётӥз. Пусйыны кулэ, ӵектосъёс, кудъёсыз сӥземын кунгожсьӧр муртъёслы, азьланяз но кулэ луозы. Соин ик мон оскисько, ужмы азьланьтӥськоз шуыса», – вераз Александр Владимирович.

Конференция ортчон дыръя эскеризы таӵе ӵектосъёсты:

«Русский с ноля»; «Летний лагерь дневного пребывания для детей-инофонов “Приключение иностранцев в России”»; «Поговорим по-русски».

Ужрадлэн пумаз уже пыриськись усточиосты но кураторъёсты сӥё-дано пусйизы.