Котькуд ар улосвылъёсын улӥсь удмуртъёслы ужрадъёс ортчытӥсько, соос удмурт калыклэсь кылзэ, лулчеберетсэ, сям-йылолъёссэ утёнлы но азинтонлы сӥземын.

Таяз аре нырысетӥез палэнэ мынон туннэ Пермь улосвылысь Куеда ёросын ортчиз. Кырӟаса но эктыса пумитазы Удмуртиысь лыктэм куноосты Бадӟым Гондыр лулчеберет юртысь коллективъёс но ужасьёс.

Озьы ик пленарной заседаниын вань пыриськисьёслы ӟечкылан кылъёсын вазиськизы ӧтем куноос: Анастасия Субботина, йӧскалык но вӧсьбур кусыпъёсъя Департаментлэн директорез, Анатолий Верхоланцев, Пермь ёросысь Куеда муниципал кылдытэтлэн Кивалтӥсез, Елена Ленцова, “Удмурт Кенеш” огазеяськонлэн вице-президент (азьветлӥсьлэн воштӥсез), Алина Туктагулова, “Национально-культурный центр удмуртов Пермского края” мер огазеяськонлэн председателез, Эдуард Петров, Удмурт Элькунысь йӧскалык политикая министр.

Нимысьтыз секциос но мастер-классъес бырем бере Пермь шаерысь йӧскалык коллективъёс Ижкарысь эктонъя “Чебеляй” студиен огазеяськыса удмурт концерт возьматӥзы.

Яркыт, пуштросо но вунонтэм ортчиз Пермь шаерын радъям ужрадмы. Вуоно пумиськон 24-тӥ шуркынмонэ Киров улосвылын ортчтоз.