Россилэн пӧртэм улосъёсысьтыз азьветлӥсьёс кенешозы йӧскалык лулчеберетэз азинтон сярысь, вералозы кун тӧрлыклэн мерлыко огазеяськонъёсын ӵошен йӧскалык политика удысын тыршемзы сярысь, Россиысь калыкъёслэсь кусыпъёссэс юнматон понна огъя напрвлениос быръёзы.

Конгрессэ пыриськозы пӧртэм улосъёсысь кун тӧрлык ёзэсъёс, эрикрадэз утись ёзэсъёс, мерлыко огазеяськонъёс, ивор вӧлмытӥсь сӧзнэтъёс, тодосчиос, йӧскалык кусыпъёсты эскерисьёс.

Конгресс улсын ортчытыны малпамын конференци, семинаръёс, котырес ӝӧкъёс. Удмурт Элькунысь йӧскалык политикая министрлэн воштӥсез Л.Ю. Соковикова «Взаимодействие органов государственной и муниципальной власти, научного сообщества, общественных объединений в вопросах сохранения и развития национальных культур, общероссийской идентичности, профилактики национального экстремизма» номо котырес ӝӧклэн ужаз пыриськоз. Татын со малпа тодматыны Калыкъёслэн Эшъяськон юртэнызы, солэн базаяз Ванёс центр кылдытон сярысь но вералоз.