Россиысь калыкъёслэн Юртсы тужгес но ӟеч улосвылкуспо ӵектосъёсъя «Лучшее в общее» вожвылъяськонэ вазиськонъёсты (заявкаосты) кутэ. Ужрад калык кусыпъёс удысысь пайдаё ӵектосъёслы юрттонлы но азинтонлы сӥземын. Соос огъя кунмуртлыко идентичностез юнматонлы, Россия Федерациысь калыкъёслэсь кылёссэс (наследизэс) азинтонлы, экстремизмез палэнтонлы но йӧскалык, религия пумысен вачевуонъёсты быдтонлы ӧръямын.

Ӵектосъёслы валтӥсь темаос:

– пиналъёсын но егитъёсын ӵош лэсьтэм ӵектосъёс;
– югдытӥсь акциос, истори тодэтъёсты утёнлы сӥзем ужрадъёс;
– калык дипломатиез азинтон;
– патриотизмо ӵектосъёс;
– дышетон (югдытӥсь) ӵектосъёс.

Заявкаосты 1-тӥ оштолэзысен 31-тӥ гудырикошконозь Россиысь калыкъёслэн Юртсылэн вотэсбамазы кутӥськозы. Ӵектосъёсты вожвылъяськонлэн ӧриез дунъялоз. Отчы кун тӧрлык ёзэтъёсысь, мерлык, тодослыко огазеяськонъёсысь ёзчиос но ивортодэт удысысь ужасьёс пыро. Йылпумъянъёс лэсьтыса, вормисьёсты сӥё-дано пусъёзы.

Пыр-почгес Положениын