Вожвылъяськонлэн валтӥсь азьмугез – «калыкъёс вискын эшлыко куспъёсты юнматон, муниципал мертэтъёсъя йӧскалык политика удысын мукет ужрадъёсты радъян» номинация улсын, муниципал кивалтонниез радъянъя но муниципал кылдытэтъёслэсь юанъёссэс сэрттон-пертчонъя тужгес но ӟеч практикаосты шедьтон, данъян но вӧлмытон.

Асьме элькунысь вожвылъяськонэ 13 муниципал кылдытэтъёс пыриськизы.

Экспертъёс «калыкъёс вискын эшлыко куспъёсты юнматон, муниципал мертэтъёсъя йӧскалык политика удысын мукет ужрадъёсты радъян» номинациын улосвыл этапысь вормисьёсты бырйизы.

«Муниципал но кар округъёс» категориын висъямын вал: «Алнаш ёрос муниципал округ», «Ува ёрос муниципал округ», «Кизнер ёрос муниципал округ», «Юкаменск ёрос мунципал округ», «Вотка ёрос муниципал округ», «Воткакар» муниципал кылдытэт, «Глазкар» муниципал кылдытэт, «Кияса ёрос муниципал округ».

Улосвыл этапын вормисьёслэн заявкаоссы пуктэм радъя «Тужгес но усто муниципал практика» вожвылъяськонлэн огъяросси этапаз келямын луозы.

28-тӥ инвожое 10 часысен 15 часозь Калыкъёслэн Эшъяськон юртазы вормисьёслы нимысьтыз валэктон сётон семинар ортчоз. Отын пыр-поч эскеремын луозы вожвылъяськонлэн федерал этапезлэн аспӧртэмлыкъёсыз, заявкаосысь янгышъёс но соосты тупатонъя мастер-класс.

Семинаре ӧтиськомы вожвылъяськонэ келям ӵектосъёслэсь авторъёссэс, Удмуртиысь ёрос администрациосын ужасьёсты.

Пумиськон ортчоз Калыкъёслэн Эшъяськон юртазы таӵе адресъя: Ижкар, Орджоникидзе урам, 33а, кенешон бӧлет, 2-тӥ этаж.

Пыриськон понна заявка 27-тӥ инвожоозь та ссылкая лэсьтыны луэ https://forms.gle/SrnEtQjm6NnCVzTb8