Вожвылъяськон ортчиз «калыкъёс вискын эшлыко кусыпъёсты юнматон, муниципал уровеньын йӧскалык политика удысын ужрадъёсты ортчытон» номинациын муниципал кивалтонэз радъянъя но муниципал кылдытэтъёслэсь интыысь юанъёссэс сэрттон-пертчонъя тужгес но ӟеч практикаосты шедьтон, пусъён но вӧлмытон понна.

Удмурт Элькунысь 18 муниципал кылдытэтъёс (муниципал но кар округъёс) возьматӥзы тужгес но усто практикаоссэс, кудъёсыз герӟаськемын калыкъёс вискын эшлыко кусыпъёсты юнматонэн, Россиысь калыкъёслэн этнокультура удысын азинсконзылы юрттэт сётонэн, этносъёс куспын керетонъёслы профилактикаен.

Вожвылъяськонъя ӧри улосвыл этаплэсь «калыкъёс вискын эшлыко кусыпъёсты юнматон, муниципал уровеньын йӧскалык политика удысын ужрадъёсты ортчытонн» номинацияя вормисьёссэ бырйиз.

«Муниципал но кар округъёс» категориын вожвылъяськонлэн улосвыл этапаз вормизы:

«Можгакар» кар округ, «Ува ёрос муниципал округ» МК, «Эгра ёрос муниципал округ» МК, «Шаркан ёрос муниципал округ» МК, «Дэбес ёрос муниципал округ» МК, «Сарапул ёрос муниципал округ» МК, «Сарапул кар» МК, «Кияса ёрос муниципал округ» МК, «Пичи Пурга ёрос муниципал округ» МК, «Камбарка ёрос муниципал округ» МК.

Улосвыл люкетын вормисьёслэн заявкаоссы келямын луозы «Тужгес но устоез муниципал практика» («Лучшая муниципальная практика») вожвылъяськонлэн огъяросси этапаз.