10-11-тӥ толсуре «Дзержинец» базаын удмурт егитъёслэн «Удмурт-а мон?» улосвылкуспо форумзы ортчоз. Ужрад ортчытӥське «Удмурт кенеш» мерлыко огазеяськонлэн кичӧлтэмез улсын но Удмурт Элькунысь йӧскалык политикая министерстволэн но Калыкъёслэн Эшъяськон юртсылэн юрттэменызы.

“Удмурт Кенеш” огазеяськонлэн вице-президентэзлэн Т.В. Ишматовалэн верамезъя, ужрадлэн валтӥсь меретэз – егитъёсты удмурт кылэз но лулчеберетэз азинтон ужрадъёсы кыскон.

Та форум тунсыко но шаплы егитъёс пӧлысь яркыт азьветлӥсьёсты шараяны юрттоз, кудъёсыз кусып радъяны быгатозы ужбергатӥсьёсын, тӧрлык ёзэсъёсын, мукет азьветлӥсьёсын.

Форумын ужалозы проектной секциос. Татын тодмо журналистъёс, ужбергатӥсьёс, мерлыко азьветлӥсьёс вералозы PR технологиос, Удмуртиын туризмъез азинтон, брендинг, политика, ужбергатон сярысь.

Ужрадэ пыриськыны быгато мерлыко ӵектосъёсты быдэстонэ пыриськись Удмуртиысь, Татарстанысь, Башкириысь, Марий-Элысь, Пермь, Киров, Свердловск улосъёсысь 18 -30 аресъем удмурт егитъёс.

Заявка келяно 7-тӥ толсурозь udmkenesh@gossovet.udm.ru электрон почтае.

Форумлэн программаеныз тодматскыны но анкета гожтыны луэ татын https://vk.com/dom.druzhby?w=wall-6721781_4114

Ватсаса ивортодэт басьтыны луэ таӵе телефонъя: 685-329 – Ишматова Татьяна Витальевна, «Удмурт Кенеш» мерлыко огазеяськонлэн вице-президент.