Та ужрадэ Удмуртилэн вить конфессиысьтыз огмуртъёс пыриськизы.

Элькунлэн Тӧроез люкаськемъёс азьын ӟечкылан кылэн вазиськиз. Со пусйиз, туннэ, традиционной конфессиослэн тыршеменызы сэрен, элькунамы пӧртэм инмаръёслы оскись адямиос вискын умоесь кусыпъёс радъяськизы шуыса. А. Бречалов вераз: «Ӵемысь вӧсьбур огазеяськонъёс асьсэос пӧртэм проектъёслы кичӧлтон сёто. Кылсярысь, ӟечлэсьтон акциос, лулпуш-югдытон но патриотизмо ужрадъёс удысын. Берло кык ар куспын гинэ Президентлэн но Лулчеберет инициативаослэн фондысьтызы тӥ 7 миллион манетлы грант басьтыны быгатӥды».

Традиционной конфессиосысь огмуртъёс Тӧроен ӵош вӧсьбур огазеяськонъёслы кулэ луись ӵектосъёсты быдэстон, ог-огенызы но кун тӧрлыкен ӵош ужан юанъёсты пыр-поч эскеризы.

Тодэ вайытӥськом, Александр Бречаловлэн традиционной конфессиосысь азветлӥсьёсын пумиськонъёсыз яланлыко йылоллы пӧрмизы ни. «Асьмеос вераськимы вал, таӵе йылпумъянъёс котьку отрчытъялом шуыса. Соос сӥземын мынам куронъёсылы , кудъёссэ кун но муниципал тӧрлык улонэ пыӵатыны кулэ. Сыӵе куронъёс ог 30 пала вал, ваньзы сямен соос быдэстэмын».