Таяз аре «Проекция в театр 2.0» нимо но театральной искусстволы сӥзем фестиваль Калык творчествоя элькун юртын ортчоз.

«Финно-угорский культурный центр Российской Федерации» В.Д. Поленов нимо Калык творчествоя кун юртлэн кивалтӥсезлэн Татьяна Бараховалэн верамезъя: «Проекция в театре 2.0» фестивальлэн нимыз кылдӥз берло ортчем фестивальын, но пандемиен сэрен радъяськытэк кылиз вал. Соин та темалы туэ ужрадмес сӥзимы. 2.0 пус программирование удысысь вуэмын но выльдӥськонэз возьматэ».

Ужрадэ театръёс, творчествоя коллективъёс но студиос пыриськозы но финн-угор калыкъёслэсь мифъёссэс, эпосъёссэс, сямъёссэс, крезьгурен герӟаськем калыккылос программаоссэс возьматозы.

Фестивальлэн сӥё-дано усьтон программаез Марий Элын ортчиз ни. Удмурт шаер бере, 14-16 коньывуонэ ужрадэз Карелия Элькун пумиталоз. 21-23 коньывуонэ Пермь улосвылын Коми-Пермяк округын фестиваль концертэн йылпумъяськоз.

Тодады вайытоно, 2022-тӥ арын «Финно-угорский транзит» фестиваль Россиысь калыкъёслэн лулчеберет мераслы сӥзем арлэн планаз пыриз.