2024-тӥ арлэн палараз 10 туркымъёсын 200-лэсь уно адями Удмурт Элькунын бигер кылэз дышетонъя курсъёсы пыриськизы.

Бигер кылэз дышетонъя дунтэм курсъёсты радъя Удмуртиысь Бигер мерлык центр йӧскалык политика министерстволэн юрттэменыз.

Дышетон программа сӥземын вераськон бигер кылэз, историез, лулчеберетэз, литератураез но сям-йылолъёсты эскеронлы. Ваньмыз та бигер кылэз утёнлы юрттэт луэ. Дышетсконэз элькунын нимысьтыз радъям площадкаосын ортчыны луэ.

Ижкарын улӥсьёс Центральной мечетьын но Муса Джалиль нимо лыдӟетъюртын дышетскизы. Сарапул карын – мухтасибатын но Бигер лулчеберетъя центрын. Можгакарын, Глазкарын но Балезиноын курсъёс мечетьёсын радъямын вал, Камбарка ёросысь Кама черкогуртын – Камаысь модельной лыдӟетъюртын, нош Кияса ёросысь Байсары черкогуртын улӥсьёс гуртысь лулчеберетъя юртын дышетскизы.

Бигер кылэз дышетонъя курсъёс пӧртэм ареслы радъямын: пичиос понна (3-4 арес), лыдӟиськыны но гожъяськыны быгатӥсь пиналъёс понна (5-6 арес), дышетскисьёс но арлыдоос понна.

Куръёслэн пайдалыкез: ужрадлэн дышетскисьёсыз но сое йылпумъясьёсыз кар но элькун, озьы ик Татарстан Элькунын ортчысь лулчеберетъя ужрадъёсы но вожвылъяськонъёсы мыло-кыдо пырисько.

Выль бигер кылэз дышетонъя курсъёс 2025-тӥ арын ни кутскозы. Пыр-поч вотэсбамамы.

Тодэ вайытомы, озьы ик удмурт кылэз дышетонъя курсъёс нуисько. Ужрадъёс арняяз кык пол элькунысь тямыс интыосаз ортчо. Выль курсъёслы адямиосты люкан толшоре кутскоз. Площадкаос но курслэн расписаниез сярысь озьы ик вотэсбамамы тодыны луоз.