Ижкарын 28-30-тӥ куарусёнэ «Историческая память» патриотизмо фестиваль ортчоз. Ужрад радъяське Россиысь ожгар-исторической огазеяськонлэн, Россия Федерациысь Калыкез дышетонъя министерстволэн, Россия Федерацилэн Кун Думаысьтыз депутатлэн, Удмурт Элькунысь Россия ожгар-исторической огазеяськонлэн (РОИО) улосвыл ёзэтысь председательлэн Л.Н. Буранова юрттэмзыя.

Фестивальлэн форматэз шӧдтэк шорысь бырйемын ӧй вал, малы ке шуоно кылож площадкаос сяна, уже кутӥсько малпанъёсты но ӵектосъёсты возьматон, кудъёсыз коммерциен герӟаськымтэ но дышетон огазеяськонъёсын быдэстӥсько. Ужрад чотын озьы ик тематической урокъёс, лекциос, адӟытонъёс, творческой возьматонъёс ортчозы.

Фестивальлэн валтӥсь программаяз пыро: истори визьсазез (памятез) утён, Россиысь ожгар-исторической огазеяськонлэн но элькунысь патриатизмо огазеяськонлэн ӵош ужам юанъёссыя пленарной пумиськон, Удмурт Элькунысь ожгар-патриотической огазеяськонъёслэн ӵектосъёссыя марафон-презентация, туннала югдурез лыдэ басьтыса, визьнодан но дышетон амалрад движение-мынэтъя секциосын вераськонъёс, школаосын музей кылдытонъя но отын выль амалъёсын ужанъя ужпумъёс.

Лекциос, презентациос но спикеръёслэн вераськонъёссы ёросъёсысь но муниципал ужъюртъёсысь историяя дышетӥсьёслы но патриотизмо будэтонъя кылкутӥсьёслы методикая дуно шыкыс но кейс луо.

Ужрадлэн йылпумъянэз – Удмурт Элькунысь дышетон но ожгар-патриотической будэтон ужъёсъя огъя план лэсьтонэн стратегической сессия.