Гажано эшъёс!

Удмурт Элькунысь йӧскалык политикая министерстволэн нимыныз но аслам нимыным сюлмысьтым ӟечкыласько Тиледыз Ӟуч лулчеберетъя огазеяськонлы 25 ар тырмонэн!

Пӧртэм калыкъёслэн кусыпсы трослы уте ӟуч калыклэн асшӧдонэзлэсь. Удмурт Элькунысь ӟуч лулчеберетъя огазеяськон вераны луонтэм трос кужымзэ сётэ калыкъёс куспын дауръёс ӵоже кыстӥськись эшъяськонлы. Та дыр ӵоже огазеяськон ӟуч калыклэсь узыр лулчеберетсэ, сям-йылолъёссэ утьыны но азинтыны котыраз люказ элькунмылэн ёросъёсысьтыз но каръёсысьтыз быгатӥсь, улонэз валась, котькытчы вутскись, кужмо но визьмо адямиосты. Дыр воштӥськемъя улон но воштӥське. Озьы ке но номаин но уд вошты вордӥськем шаерез, анай-атаез яратонэз, инмарлы осконэз, яратоно адямиос понна улонэз сётыны дась луонэз, куно карыны быгатонэз но ӟуч калыклэсь паськыт, яратыны быгатӥсь сюлэмзэ.

25 ар ӵоже огазеяськон унолэсь но уно ужрадъёс ортчытӥз. Ӵапак огазеяськонлэн кичӧлтэмезъя ӟуч калык шулдыръяськонъёсты пусйыны кутскимы быдэс элькунэн. Соос полын Ымусьтон, Вӧй келян, Быдӟым нунал, Тройча но мукет. Котькинлы тодмо но яратоно луизы пӧртэм пумо акциос, фестивальёс но вожвылъяськонъёс: «Высокий берег» ӟуч калык лулчеберетъя фестиваль, «В кругу друзей» мерлыкез но лулчеберетэз азинтонъя элькун ӵектос, «Голос моей России» ӟуч кырӟанъя егитъёслы фестиваль.

Удмурт Элькунысь ӟуч лулчеберетъя огазеяськон оскымон эш луэ Удмурт Элькунысь йӧскалык политикая министерстволы, Калыкъёслэн Эшъяськон юртсылы, мует мерлыко огазеяськонъёслы. Улосамы улӥсь калыкъёслэсь кусыпсэс юнматон но тупаса улонэз утён вылысь, огазеяськон мылысь-кыдысь пыриське ваньмаз ӵектосъёсы но ужрадъёсы.

Гажано эшъёс, котырес лыдпус лэсьтэм ужъёслы йылпумъянъёс лэсьтон сяна, туж умой дыр луэ выль ӵектосъёс, ужрадъёс борды басьтӥськон понна. Оскисько, тӥляд улонэз валамды, дырын ӵош вамыштэмды выль тунсыко ӵектосъёстэс быдэстыны юрттозы.

Удмурт Элькунысь ӟуч лулчеберетъя огазеяськонлы вань сюлмысьтым сӥзисько азинсконъёс, выль вормонъёс, тупаса улон но ваньзэ ӟечсэ.

Удмурт Элькунысь йӧскалык политикая министр

Л.Н. Буранова