30-тӥ толшоре Удмурт Элькунысь армянъёслэн мер улоназы бадӟым но кулэлыко ужрад ортчиз – огазеяськонлэн ёзчиоссыз асьсэлы кивалтӥсь бырйизы. Быръён вань куронъёсъя радъямын вал: быръёнэз радъянъя ӧри, лушкем куара сётон, бюллетеньёс.

Куара сётон ужрадэ пыриськизы 1000-лэсь ятыр адями (Ижкарын но огазеяськонлэн ёросъёсысь 13 ёзэтъёсаз). Бырйизы кык адями пӧлысь – Аракелян Мнацакан Меружанович но Бабаян Эдуард Рудольфович. Котькуд адями аслэсьтыз куаразэ бюллетене тодмостӥз. Бӧрысь вань куараосты Ижкарын лыдъязы.

Самвела Саркисянлэн ивортэмезъя (Быръёнэз радъянъя ӧрилэн кивалтӥсез), быръён радъямын вал вань куронъёсты лыдэ басьтыса. Быръён интыосын кат тӥян учыръёс шараямын ӧвӧл. Тросэз ёзчиос быдэс семьяенызы лыктӥзы ужрадэ. Ижкарын куара сётон ужрад Калыкъёслэн Эшъяськон юртазы ортчиз.

Куара сётон возьмтӥз армянъёслэсь, азьло аръёсы сямен ик, асьсэлэн кивалтӥсьсылы осконзэс. Соин ик тужгес но трос куара люказ «Урарту» огазеяськонлэн али кивалтӥсез Мнацакан Меружанович Аракелян (97%). Ӟечкыласькомы сое, азьланяз но пайдалыко ужанлы оскиськомы!