3-тӥ тулыспалэ 10.00 часэ Калыкъёслэн Эшъяськон юртазы Удмурт Элькунысь бигеръёслэн йӧскалык лучеберетъя улосвыл автономизы йылпумъян-быръён конференци ортчытоз. Та нуналэ автономилэн ёзчиосыз ортчем дырлы йылпумъянъёс лэсьтозы, матысь дыре лэсьтоно ужъёсты чаклалозы, автономилы кивалтӥсь быръёзы.

Улосвыл автономи элькунысьтымы бигер огазеяськонъёсын, Быдэс дуннеысь бигеръёслэн конгрессэнызы, Россиысь бигеръёслэн федерал автономиенызы, Удмурт Элькунысь но Татарстанысь кун тӧрлык ёзэсъёсын матысь кусыпъёс возе.

Бигер калыклэсь кылзэ, лулчеберетсэ утён но азинтон понна автономия пӧртэм ужрадъёс ортчытъя. Кылсярысь, «Сабантуй» бигеръёслэн йӧскалык шулдыръяськонзы, «Йолдызларяңгыры» нылпиослэн быгатонлыкъёссылы сӥзем улосвылкуспо фестиваль-вожвылъяськон, «Ижаумоңнары»биер калыклэн кырӟанъёсызлы но эктонъёсызлы сӥзем элькун фестиваль-вожвылъяськон, «Көрәш» йӧскалык нюръяськонъя турниръёс. Покчи класъёсын дышетскисьёслы но нылпи садэ ветлӥсьёслы арлы быдэ «Алтын йомгак» («Золотой клубок») журнал поттэ. Калыкъёслэсь кусыпъёссэс юнматон вылысь автономия «Удмуртия – многонациональная (этнокультурное путешествие)» этнокультуной лагерь радъя. Огазеяськонлэн ёзчиосыныз «Победа – одна на всех» фильм лэсьтэмын.