Удмуртиын улӥсьёс «Собери ребёнка в школу» акцие пыриськемзэс азьланьто. «Огъя Россия» партиен кичӧлтэм ӟечлэсьтон ужрад улсын трос нылпиё, ёрмыса улӥсь семьяосысь но нимысьтыз ожгар операцие пыриськисьёслэсь пиналъёслы выль дышетскон арлы дасяськыны юртто.

Та нуналъёсы Мерлыко юрттэтъя штабе УЭ-ысь Йӧскалык политикая министр Эдуард Петров вуылӥз. Со нылпиослы кулэ луись арбериосын лыктӥз: тетрадьёсын, ручкаосын, карандашъёсын, буёлъёсын, альбомъёсын но мукет.

Акцие егитъёслэн йӧскалык лулчеберетъя огазеяськонъёсыз пыриськизы. Мерлыко юрттэтъя штабе Таджикистан мер огазеяськонысь дышетскисьёс канцелярской арбериосты но портфельёсты ваизы.

Акцилэн асмылкыдчиосыз пусъё, выль дышетскон арлы юрттэт басьтон понна семьяос партилэн вотэсбамаз яке штабе мыныса вазиськыны быгато.

УЭ-ысь Мерлыко юрттэтъя штаблэн ивортодэтэзъя.