13-тӥ гудырикошконэ Л.Н. Буранова Вань удмуртъёслэн «Удмурт Кенеш» ассоциацизылэн но Ӟуч лулчеберетъя огазеяськонлэн Можгаысь ёзэтъёссылэн азьветлӥсьёсынызы пумиськиз.

Министр та мерлыко огазеяськонъёслэн ужъёссылы вылӥ дунъет сётӥз, соослэсь тупаса улонэз радъянын, удмурт но ӟуч калыкъёслэсь лулчеберетсэс, сям-йылолъёссэс утёнын но вӧлмытонын бадӟым уж нуэмзэс пусйиз.

Озьы ик Л.Н. Буранова вераз министерстволэсь но муниципал кивалтэтлэсь огъя планзэс – ёросъёсы Калыкъёслэсь эшъяськон юртсэс усьтон. Та вакытэ сыӵе эшъяськон юртъёс ужало ини Ижкарын, Сарапулын, Глазкарын но Эграын. 2015-тӥ арын Можгаын но Воткакарын усьтэмын луозы.

Соин ӵош ик министр азьветлӥсьёслы асьсэлэн ӵектосъёсынызы пыриськыны ӵектӥз вожвылъяськонъёсы, кудзэ радъя министерство. Озьы валэктон сётӥз ёзчиослэн юанъёссылы. Огъя пумиськон шуныт ортчиз.