Патриотизм мылкыдо но лулпуш-сӥбур будэтонлы сӥзем йӧскалык-лулчеберетъя огазеяськонъёслэсь ӵектосъёссэс бадӟыматыны, ас мылкыд каремезъя ужанэз но волонтёр практикаосты азинтыны – йӧскалык политикая министерстволэн 2025-тӥ арлы пуктэм валтӥсь ужпумъёс.

Министерстволэсь азьмугъёссэ аслаз докладаз йӧскалык политикая министр Эдуард Петров вераз паськытатэм коллегилэн кенешоназ.

Озьы ик министр 2024-тӥ арын лэсьтэм ужъёслэсь йылпумъянъёссэ вераз. Соос пӧлын: йӧскалык кусыпъёс удысын луонлыкъёс сётонъя 4 центръёсты усьтон, йӧскалык политика удысын ӵектосъёсты улонэ вӧлмытон понна 50 миллион манетлэсь трос грант уксё утон, озьы ик семья субботникъёсты кылдытон, кудӥз «Можем-поможем. Семейный центр социокультурной адаптации мигрантов» ӵектос улсын ортче.

Люкаськемъёсты ӟечкылазы Удмуртиысь Тӧролэн но Кивалтэтлэн Администрацизылэн кивалтӥсезлэн воштӥсез Владимир Костин, Удмурт Элькунысь Кун Кенешлэн Тӧроезлэн воштӥсез, тодосъя, дышетонъя но граждан мерлык институтэз азинтонлы юрттэт сётонъя ялан ужась комиссиезлэн председателез Татьяна Ишматова но Кун Кенешысь лулчеберетъя, туризмъя но йӧскалык политикая ялан ужась ӧрилэн кивалтӥсез Андрей Ураськин.

Ужрадэ пыриськизы Удмурт Элькунысь быдэсъясь ёзэтъёсысь но аскивалтэт ёзэтъёсысь огмуртъёс, йӧскалык-лулчеберетъя мерлык огазеяськонъёслэн председательёссы но конфессиослэн азьветлӥсьёссы.

Ужрадын асьсэ докладъёссэс пӧртэм ӧнерчиос мыло-кыдо лыдӟизы.