Школаын дышетскисьёс куспын «Герои народа – герои страны» нимо вожвылъяськон сярысь вераськон мынӥз, соин валче улоскуспо патриотизмо дышетон ӵектосэз дасян но ортчытон пумысен кенешизы. Таяз аре Мер центрлэн кичӧлтэмезъя ӵектос паськытамын луоз но Ижкарын, Кузонын, выль интыосын Уфа но Киров каръёсын ортчоз. Вожвылъяськон Удмурт Элькунысь Йӧскалык политикая министерстволэн но Ижкарысь дышетонъя кивалтоннилэн юрттэмезъя радъяськоз.

Озьы ик «По родному краю с любовью» нимо йӧскалык-лулчеберетъя йӧскалыкъем мерлыко проектэз быдэстон пумысен юанъёсты сэрттӥзы-пертчизы. Та ӵектос сизьыменыз коммерциен герӟаськымтэ огазеяськонъёсын (ӟучъёс, удмуртъёс, бигеръёс, еврейёс, таджикъёс, азербайджанецъёс, армянъёс) радъяське. Ӵектосын трос нылпиё но соин валче пример луись семьяослы юрттыны тыршон нимысьтыз висъямын. Элькунысь ёросъёсы потан улсын интыысь аскивалтэт ёзэтлэн ужез сярысь иворъёсын но кун йӧскалык политика удысын нуналмысь югдурен интыысь администрациез тодматон мынэ. Ужрадлы йылпумъянъёс лэсьтыку, ёросын улӥсьёслы ортчытыны малпало концерт, кудаз трос калыкъёслэн усточиоссы пыриськозы.

Тодэ вайытӥськом, «Герои народа – герои страны» вожвылъяськон 2023-тӥ аре тямысэтӥ ползэ ортчыны кулэ. Нош «По родному краю с любовью» мерлыко ӵектос 2013-тӥ арысен радъяське.