Удмуртиын «Ёлка желаний» гужем ӟечлэсьтон акция азьлантӥське. Сое Удумрт Элькунлэн Тӧроез Александр Бречалов ялӥз 1-тӥ инвожое, Нылпиосты утён нуналэ. Йӧскалык политикая министр Можгакарысь Ангелина нылашлэсь малпанзэ быдэстӥз – нылаш наушникъёсты малпаз.

Нылмурт кибашлы но талантон. Ангелина ӟеч дышетске, удмурт кылэз дышетэ но крезьгуръя школаын дышетке.

«Наушникъёсын ӟечгес кылзӥськыны дышетонъя материалъёсты крезьгуръя школаысь. Со сяна яратоно кырӟанъёсты ӝуатъяло соос пыр,» – вераз нылаш.

«Туж шумпотӥсько, нылпиосмы сыӵе арбериос сярысь малпасько, кудъёсыз юрттозы соослы азинскыны яратоно ужазы. Мед нылпиослэн малпанъёссы быдэсмозы, нош ми, бадӟымъёс, котьку тыршомы соослы юрттӥськыны», – пусйиз Эдуард Петров.

Тодэ вайытомы, «Ёлка желаний» нимо ӟечлэсьтон акция 2018-тӥ аре ялэмын. Министръёс, ёросъёслэн но каръёслэн тӧроосы, депутатъёс но вань мылкыд карисьёс нылпиослэсь малпанъёссэз улонэ вӧлмытыны быгато. Ӵектос гужем но ортчыны кутскиз 2023-тӥ аре УЭ-лэн Тӧроез Александр Бречалов кичӧлтэмен. Акцилэн пыриськисьёсыз – таланто, шуге-леке шедем пиналъёс, нимысьтыз ожгар операцие пыриськисьёслэн нылпиоссы но Луганск Калык Элькунысь Лугутинской ёросысь пиналъёс.