Россия Федерацилэн пӧртэм улосвылъёсысьтыз экспертъёс оглом дунъязы 492 вуэм заявкаосты.

«Лучшие практики СОНКО и инициативных групп» номинациын вормисе потӥзы Удмурт шаерысь кыкез ӵектосъёс: Удмурт Элькунысь «Хэсэд – Ариэль» мерлык еврей ӟечлэсьтон фондлэн «Герои народа – герои страны» нимо ӵектосэз но «Воткакар ёросысь шаерчиослэн огазеяськонзы» интыысь мер огазеяськонлэн «Поддержим традиции – сохраним уникальность» нимо ӵектосэз.

Вожвылъяськонын вормисьёсты «Устойчивое развитие этнокультурного сектора» IV Россиякуспо конференцие ӧтёзы. Отын соос быгатозы асьсэлэн ӵектосъёсынызы тодматыны, федерал ӧнерчиосын но тунсыкчиосын тодматскыны. Озьы ик конференция дыръя вормисьёсты пусъёзы.