14-тӥ южтолэзе 17.00 часэ Калыкъёслэн Эшъяськон юртазы ортчоз Удмурт Элькунысь мордваослэн «Умарина» огазеськонзылэн йылпумъянъёс лэсьтонъя но быръёнъя конференциез.

Туэ огазеяськонлы 5 ар тырме. Вань та аръёсы соин кивалтӥз эмтодосъя доктор, профессор Сергей Петрович Селякин.

Огазеяськонлэн ужез сӥземын мордва калыклэсь лулчеберетсэ утёнлы но азинтонлы, егитъёсты калык йылолъёсын тодматонлы но соослы гажан мылкыд пыӵатонлы. «Умариналэн» ёзчиосыз мылысь-кыдысь пырисько йӧскалыккуспо ужрадъёсы, арлы быдэ ортчыто «Балтай» шулдыръяськонзэс, ӟеч кусыпъёс возё мукет улосъёсысь мордва огазеяськонъёсын.