1-тӥ пӧсьтолэзе Москваын, «Эрмитаж» садын, Гербер шулдыръяськон ортчоз. Куноос понна дасямын калык шудонъёс, эктон-кырӟанъёс, пӧртэм пумо мастер-классъёсын площадкаос, вожвылъяськонъёс.

Удмурт калык шулдыръяськон шоркарын туэ 3-тӥ ползэ радъяське ини. Герберез Москваын ортчытон – элькунмылэсь туризм, экономика ласянь азьланьтӥськемзэ но быгатонлыкъёссэ возьматон площадка.

Удмуртилэсь промышленность ласянь азинтӥськемзэ возьматозы «LADA Ижевск» автозавод но «Калашников» концерн. Татын машина лэсьтон удысын воштӥськонъёсын но выльдиськонъёсын тодматскыны луоз. Мылкыд карисьёсты быдэс дуннелы тодмо пыӵалэн вырыны дышетозы. Озьы ик луоз тодматскыны Удмуртиын лэсьтэм дрон-беспилотникъёсын.

«Удмуртилэн шӧмыз» площадкаын фермеръёс ӵектозы асьсэлэсь сиён-юонъёссэс. Татын ик оскалтыны луоз котькинлы тодмо перепечез но пельнянез . Нимысьтыз мастер-классын дышетозы мунё лэсьтыны, кускерттон куыны, куролэсь чебер арбериос лэсьтыны.

Пичи куноосты шумпоттозы удмурт выжыкылысь геройёс, Тол Бабай, Лопшо Педунь.

Удмуртиысь кырӟасьёс но коллективъёс шулдыр мылкыд кузьмалозы люкаськем калыклы. Куноос озьы ик шудзэс эскерыны быгатозы лотореяын, кудзэ ортчытозы улосысьтымы санаторийёс но шутэтскон базаос. Нош егитъёс бер ӝытозь яратоно гуръёсся позыръяськыны быгатозы.

Программа:

10.00 — Шулдыръяськонлэн кутсконэз.

12.00 — Шахмат турнирез усьтон. Гроссмейстерен огдыре шудон сеанс.

13.00 — Шулдыръяськонэз сӥё-дано усьтон.

14.00 – 17.00 — Лекторийёслэн ужзы:

15.30 — Толэзё пусэз лэсьтонъя флешмоб.

15:45 – Спортъя лекторий (Удмуртиын вордӥськем чемпионъёсын но Олипийской шудонъёсын вормисьёсын пумиськон. Куасэн бызьылӥсьёс Галина Кулакова, Тамара Тихонова но биатлонист Иван Черезов мадёзы спортын вормонъёссы сярысь).

16:30 – «Удмурт кыл 30 минут куспын» Урасинова Ольгалэн мастер-классэз.

19:00 – 21:00 – Крезьгуро люкет но позыръяськон.

21.00 — Шулдыръяськонэз ворсан.

Пыр-поч ивортодэт басьтыны луэ татысь: https://gerberfest.ru