30-тӥ оштолэзе Вавож черкогуртын нылпи но семья быгатолыкъёсъя «Быдӟым Паска» вожвылъяськонлы йылпумъянъёс лэсьтӥзы. Ужрадэз ортчытӥз Вань удмуртъёслэн «Удмурт Кенеш» ассоциацизы.

Та нуналэ Дун чылкыт Николайлэн храмаз люкаськизы вожвылъяськонэ пыриськемъёс, анай-атайъёс, дышетӥсьёс, огшоры калык. Ужрадэз кутскиз отец Сергий, со лыктэм калыклы Паска праздник сярысь, солэн семьялэн кылдон но юнман сюресаз интыез сярысь вераз.

Вожвылъяськон радъяськиз 3 номинация: 1. Литература творчество. Кылбур, сочинение-эссе; 2. Суредаськон творчество; 3. Киужъёс.

Ужрадэ пыриськизы 67 дышетонъя но школаозь дышетонъя ужъюртъёсысь пиналъёс. Вормисьёс пусъемын вал кузьымъёсын, нош вожвылъяськонэ пыриськисьёс сертификат басьтиӥзы.

Ужрад удалтӥз! Котькуд лыктэм адями шумпотонэн кошкиз. Бадӟым но кулэ ужлы – лулпушез чебер каронлы- кутскон сётэмын. Оскон кылдэ вуоно аре но гуртъёсысь пиналъёслэн но семьяослэн таӵе вожвылъяськонэ пыриськыны луонлыксы луоз шуыса. Угось Удмурт Кенеш мытэм ужзэ азьланьтыны малпа.

Та нуналэ ик ортчиз мукетыз ужрад – «Гурезь Пудга» муниципал кылдытэтысь семьяослы Удмурт Кенеш семинар радъяз. Люкаськем калык азьын Г.Н. Шушакова орчытэм эскеронъёслы йылпумъянъёс лэсьтӥз

Е.К. Александрова «Быдӟым Паска» вожвылъяськон сярысь вераз.

Удмурт кун университетысь доцент О.В. Солодянкина нылпиосты семьяын визьнодан сярысь доклад лэсьтӥз. Бӧрысь кылдэм юанъёссылы валэктонъёс сётъяз.

Юридик юанъёсты сэрттыны-пэртчыны юрттӥз Ижкарысь юрист А.В. Бобылев.