10-тӥ южтолэзе Удмурт Элькунысь Кун Кенешлэн кенешон бӧлетаз Вань удмуртъёслн «Удмурт Кенеш» ассоциацизылэн Пичи Кенешез люкаськылӥз.

Ужрадэ пыриськизы Удмурт Элькунысь Кун Кенешлэн Тӧроез В.П. Невоструев, Удмурт Элькунысь Кун Кенешлэн йӧскалык политикая, мерлык кышкыттэмлыкъя, регламентъя но уж радъянъя яланлыко ӧрилэн тӧроез Э.В. Касимов, Удмурт Элькунысь йӧскалык политикая министр Л.Н. Буранова.

Ужрадлэн валтӥсь ужпумез – вице-президентъёсты быръён но Вань удмуртъёслэн XIII отчамзылэсь резолюцияз тупатонъёс пыртон но юнматон. Озьыен, вице-президентэ быръемын: В. Байметов, Дышетонэз азинтонъя институтлэн ректорез, А.С. Михеева, К.Герд нимо йӧскалык гимназилэн кивалтӥсез, А. Серебренников, «Наше время Удмуртия» газетлэн валтӥсь оедакторез.