Пленарной кенешонын докладъёсынызы тодматӥзы муниципал ёрос Администрациысь кивалтӥсьёс. Озьы ик, Башкортостан Элькунысь удмурт усточиос данъетъёсын пусъемын вал.

Тематической секциосы дышетскисьёс, дышетӥсьёс, лулчеберет удысысь ӧнерчиос, Башкортостанысь йӧскалык-лулчеберетъя огазеяськонъёсысь усточиос но трос мукетъёсыз пыриськизы.

Ужрадлэн пумаз Удмурт кун «Айкай» театр яркыт концерт возьматӥз.

Тодады вайытомы, удмурт лулчеберетлэн нуналъёсыз бускель улосвылъёсын улӥсь удмуртъёс дорын ортчо. Туэ соос Пермь, Киров улосвылъёсын но Марий Эл, Татарстан, Башкортостан элькунъёсын радъямын вал.