Ӧрилэн кивалтӥсезлэн воштӥсез, Людмила Евгеньевна Кириллова, люкаськемъёсты ортчем Удмурт кыллэн нуналэныз ӟечкылаз. Собере доклад лыдӟиз, кудаз ӧрилэн ёзчиосыныз 2024-тӥ ар куспын лэсьтэм ужзылы йылпумъянъёс лэсьтӥз.

Кенешонын Ижкарысь дугдылонни нимъёсты ӟуч но удмурт кылын гожъян сярысь юанъёсыз эскеризы, дышетон ужъюртъёслы кыллюкамъёслэсь но справочникъёслэсь дасянъя кулэлыксэ пусйизы.

Со сяна, урам нимъёсты берыктонъя индылэт адӟытэмын вал, кудӥзъя Ижкарысь 1095 урам ним берыктэмын.

Удмурт кылын нимкылъёсъя но шонер гожъяськонъя элькун ӧрилэн ужез сӥземын удмурт кылэз утёнлы, азинтонлы, вӧлмытонлы, узырмытонлы, ӟуч кылысь удмурт кылэ берыктонлы.