20-тӥ тулыспалэ 17.00 часэ Йӧскалык лыдӟиськонниын (Удмурт урам, 264-тӥ юрт) удмурт литературной кыллэн историез сярысь лекция ортчоз. Со сӥземын Анай кыллэн нуналэзлы.

Лектор – Удмурт кун университетысь профессор, кылосбур тодосъёсъя доктор Валей Кельмакович Кельмаков – финно-угроведъёс пӧлысь валтӥсь тодосчи, перм кылъёсты эскерись, 300-лэсь трос тодос ужъёслэн, 50 монографилэн, дышетон юрттэтъёслэн авторзы. Удмуртиысь но палэнысь тодосчиос но вылӥ дышетсконниосысь студентъёс понна В. Кельмаковлэн ужъёсыз удмурт кылэз эскерон но дышетон удысын валтӥсь инъет луо. Аслаз лекцияз В. К. Кельмаков мадёз удмурт литературной кыллэн азинскем сюресэзлэн валтӥсь этапъёсыз сярысь, туала литературной кыллы дунъет сётоз.

Лекция кутскон азьын Йӧскалык библиотекаысь ӧнерчиос тодматозы 1900-тӥ-2010-тӥ аръёсы дышетон книгаосын, кыллюкамъёсын, журнал-газетъёсын но мукет изданиосын. Ваньзы соос возьмато кутӥськись норма (шонер гожъяськонъя катъёс, кыл кутон амалъёс, грамматика) пыр литературной кыллэсь кыӵе ке вакытсэ.

Ивор кутэмын: unatlib.ru/udm/news/3028-anaj-kyllen-nunalezly