Гажано эшъёс! Удмурт визьбур “Шудком” клуб ӧте финал шудоназ!
Финалэ пыриськозы сезон ӵоже мыло-кыдо пыриськись командаос:

• “Валамон-Паримон” командаез, капитанзы – Юрий Мишкин;
• Удмуртиысь историяя, кылъя но литературая институтысь тодосчиослэсь «Кынкорт» командазэс, капитанзы – Александр Егоров;
• ГТРК “Удмуртия”-ысь журналистъёслэсь “Кыло-ымо” командазэс, капитанзы – Настасья Петрова;
• Егит активистъёслэсь “Кызьыайсо” командазэс, капитаназы – Богдан Анфиногенов;
• Удмурт кун университетысь Историяя факультетысь выпускникъёслэсь но студентъёслэсь “Виквак” командазэс, капитанзы – Артем Малинин;
• “Мынам Удмуртие” телерадиокомпаниысь журналистъёслэсь “МУшъёс” командазэс, капитанзы – Анастасия Тутаева;
• “Шунды” огазеяськонлэсь “Дырыз дыръя” командазэ, капитанзы – Максим Агафонов;
• «Кытынкумар» – «Удмурт дунне» газетысь иворчиослэсь командазэс, капитанзы – Зинаида Рябинина;
• Дэри ёросысь “Шунды” ёзэтлэн “Усьтыр-табыр” командаез , капитанзы – Наталья Казакова.

Куать шудонъёслэсь йылпумъянъёссэс лыдэ басьтыса, жюри рейтинг лэсьтоз. 2016-тӥ арлэн тужгес но зол командаез кубокен пусъемын луоз.
Нош шумпоттозы финалын – Иван Белослудцев но 4 чебер пиос.