Кун Кенешлэн сессиезлэн заседанияз депутатъёс азьын УЭ-ысь Кивалтэтлэн Председателез Роман Ефимов вераськиз. Со пусйиз Удмуртиын 120 сюрслэсь тросгес егитъёс мыло-кыдо патриотизмо ӵектосъёсы пырисько шуыса.

Калыкъёслэн Эшъяськон юртсы озьы ик дышетскисьёслы но егитъёслы сыӵе проектъёсты улонэ вӧлмытэ. Удмуртилэн Кунлык басьтэмезлы 105 ар тырмон аре «Маршрут пуктэмын! Йӧскалык Удмурттия! («Маршрут построен! Удмуртия многонациональная!») (6+) медиа ӵектос ужа. Со Удмуртиын улӥсь выжы калыкъёс понна егитъёсын кылдытэм блог-тур. П.И. Чайковскийлэн 185 ар тырмонэзлы сӥзьыса «Голос моей Родины» (0+) фестиваль радъямын луоз. Нылпиос Вордскем шаерзы сярысь выль кырӟанъёсты адӟытозы. Ужъёссэз быдэстозы асьсэ анай кылынызы но крезьгур инструментъёсынызы. 30-тӥ оштолэзе Удмуртиысь дышетскисьёслэн элькун слётсы ортчиз, со «Игробум. Родина – значит вместе» ӵектос улсын радъямын вал. Пиналъёс пӧртэм калыкъёсмылэсь лулчеберетсэз но кыл узырлыксэз тодматон понна 10 ӝӧквыл шудонъёсты возьматӥзы.

6-тӥ куартолэзе 16:00 часын Калыкъёслэн Эшъяськон юртазы «Тодэ ваён открытка. Калыкъёслэн эшъяськонзы» («Открытка памяти. Дружба народов») (0+) акция ортчоз. Ужрад «Атыкай музъемлэн геройёсыз. Калыкъёслэн эшъяськонзы» («Герои Отечества. Дружба народов») Элькун вожвылъяськонлэн йылпумъянэз луоз.

Ужрадэ Удмуртиысь улӥсьёс пыриськизы. Вожвылъяськон кык номинациосъя ортчиз: «Семья архивысь туспуктэмъёс» («Фотографии из семейного архива») но «Калыкъёслэн эшъяськонзы сярысь мадён» («История дружбы народов»). Оглом ужрадэ 250-лэсь трос ужъёс туспуктэмъёсын но пӧртэм калыкъёс куспын эшъяськон сярысь мадёнъёс вуылӥзы. Та люкам арбериос вылын 1-15-тӥ оштолэзе дышетӥсьёс воскресной школае ветлӥсь пиналъёслы суредаськонъя урокъёс (0+) нуизы. 30 суредъёс кылдӥзы – 30 тунсыко аспӧртэм открыткаос, соос дизайнер понна инъет луизы.

6-тӥ куартолэзе «Атыкай музъемлэн геройёсыз. Калыкъёслэн эшъяськонзы» («Герои Отечества. Дружба народов») Элькун вожвылъяськонлэсь вормисьёссэ сӥё-дано пусъёзы но Вормон вальс ортчоз. Котькудӥзлы тунсыко луонлык кылдоз – «Россиысь почта» огазеяськонэн валче «тодэ ваён открыткаез» Россиысь котькыӵе интыяз ыстыны! Со сяна, мастер-классъёс, вузаськон азбар, «Калыкъёслэн эшъяськонзы – Вормонлэн кужымез!» («Дружба народов – сила Победы!») (0+) ӝӧквыл шудонэн тодматскон но «улӟем» туспуктэмъёсын адӟытон.

Люкаськемъёсты йӧскалык-лулчеберетъя огазеяськонъёсын но калык артистка Надежда Уткинаен кылдытэм концерт дасямын луоз.

Вожвылъяськонлэн радъясьёсыз – Калыкъёслэн Эшъяськон юртсы Удмурт Элькунысь Кивалтэтлэн но йӧскалык политика министерстволэн юрттэменызы. Партнёръёсыз – УЭ-ысь Мерлык палата, Удмурт Элькунысь печатья но калыке ивортодэт вöлмытонъя агентство, «Россиысь почта».