25-тӥ оштолэзе Удмурт Элькунысь Кун Кенешлэн витетӥ сессияз, кудӥз ортчиз лулчеберетъя «Металлург» дворецын, Александр Бречалов Элькун Кивалтэтлэн 2017-тӥ арны ужезлы йылпумъянъёс лэсьтӥз.

Тӧромы аслаз докладаз нимысьтыз саклык висъяз элькунысьтымы йӧскалык кусыпъёслы но. Александр Владимирович пусйиз, 2017-тӥ арын Удмуртиын радъяськиз Россиысь антропологъёслэн но этнологъёслэн XII конгрессы, кудӥз улсын 40-лэсь трос симпозимъёс, котырес ӝӧкъёс ужазы.

Элькунамы событийной туризм азинтӥське. 2017-2018-тӥ аръёсы Удмуртиын сиён-юонлы сӥзем фестивальёс ужзэс азинто. Ньылетӥ ползэ ортчиз «Пельняньлэн дунневыл нуналэз» фестиваль. Ӵапак та ужрад «Russian Event Awards» йӧскалык премилэн финалаз сиён-юонлы сӥзем фестивальёс пӧлын вормисе потӥз. Та фестивалез азинтыса ик элькунамы ортчытӥсько таӵе ужрадъёс: Эгра ёросын – «От Пельняня до Китая» Огъяросси фестиваль, Кез ёросын – пешниклы сӥзем «PEST – FEST» элькун фестиваль, Дэбес ёросын – «Зарни – Ё перепеч, табань но пельнянь!» улосвылкуспо фестиваль-вожвылъяськон но мукет. Кылем арын та ужрадъёсы огъя 50 сюрслэсьтрос адями пыриськиз.

Озьы ик Удмуртилэн Тӧроез мерлыко огазеяськонъёслэн ёзчиоссылы ужамзы понна тау кариз. Александр Бречалов нош ик пусйиз, макем бадӟым инты басьто мерлыко огазеяськонъёс тупаса улон но йоскалык кусыпъёсты юнматон удысын.

Вератэк ӧз кельты Александр Бречалов Йӧскалык политикалэн но Калыкъёслэн Эшъяськон юртсылэн ужзылэсь туала улонын кулэлыксы сярысь но (кылем арняе Тӧро пумиськылӥз татын ужасьёсын но мерлыко огазеяськонъёслэн ёзчиосынызы): «Мон тиляд эшты, ма сярысь кенешимы кылем аряе, сое асьмеос одно ик быдэстомы. Туж бадӟым тау тӥледлы! Нимысьтыз тау кареме потэ Йӧскалык политикая министрестволы. Алесандр Александрович Волков пумиськыкумы нырысь ик куриз Йӧскалык политикая министрествоез кельтыны».

Удмурт Элькунысь Тӧролэн докладэныз тодматскыны луоз Элькун Тӧролэн но Кивалтэтлэн нимлыко вотэсбазы. Видеовозьматон учкыны луоз татын: https://youtu.be/Ubi-2UduFvE