19-тӥ куарусёнэ Россиысь Президент Владимир Путин ужан визитэн Ижкаре вуылӥз. Удмуртилэн Тӧроез Президентлы ивортӥз элькунысь мерлыко но экномика югдур сярысь, лыдэ басьтӥськизы тазалыкез утён, лэсьтӥськон, транспорт удысъёс.

Пумиськон дыръя Александр Бречалов вераз Поволжьеысь огез тужгес но бадӟым черк сярысь, солэн кылдон но выльдӥськон историез сярысь.

«Ужпум сыӵе, черк лэсьтонэз йылпумъяз Илья Петрович Чайковский, тодмо крезьгурчилэн атаез, кудӥз со дыре заводэн кивалтэ вал. Нош 7-тӥ куартолэзе 1840-тӥ аре татын вӧсямын вал ачиз Пётр Ильич Чайковский. Зэм со, малы ке шуоно черк приходлэн книгаяз озьы гожтэмын. Нош собере, совето вакытысь трос мукет черкъёс сямен ик, собор пӧрмиз таӵе юртлы – Ленин нимо лулчеберетъя юртлы, кудӥз, ма веранэз, аръёс ӵоже куашкан калэ вуиз», – валэктӥз Александр Бречалов.

Черкез выльдытонъя уж 2006-тӥ аре кутскиз, «Преображение» нимо мерлыко но лулчеберо ӟечлэсьтон фондлэн кичӧлтэмезъя.

2021-тӥ арын Удмуртилэн Тӧроезлэн Александр Бречаловлэн косэмезъя Благовещенской соборез тупатонъя попечительской совет кылдытэмын.

Та нуналъёсы ини черклэсь пушсэ лэсьтон кутскиз: штукатурить карон, боддоръёсты суредан, выжъёсты, балконъёсты, югдытӥсь приборъёсты пуктон.

«Мон ӧтисько Тӥледыз. Ми туж шумпотомы Тӥледыз выль соборын адӟыны», – вераз Удмуртилэн Тӧроез.

«Бадӟым тау», – шуиз президент.

Благовещенской черк – элькунысьтымы регион инлыкен РФ-лэн лулчеберетъя объектэз луэ.

Мылкыд карисьёслэн юрттыны луонлыксы вань, та ссылкае пырыса: https://sobor-votkinsk.ru/