16-тӥ оштолэзе Ижкарын Шор площадьын «Туризм. Спорт. Отдых» нимо адӟытон усьтӥське. Татын Ижкарын улӥсьёс но лыктэм куноос тодматскозы Удмуртиын но шаермылэн палэназ шутэтсыны луонлыкъёсын, озьы ик пыриськозы пӧртэм тунсыко ужрадъёсы.

Адӟытонын Миннац ӵектосъёсъя мастерской радъялоз. Ужрадлэн валтӥсь меретэз – Удмуртилы выль бредъёс малпан, вужъёссэ муромытыса азинтон, удмурт калыклэсь лулчеберетсэ но кылзэ азинтон. Одӥгез сыӵе ӵектос – «Всемирный день пельменя» фестивалез арысь аре Ижкарын ортчытон.

Вань ке Тӥляд тунсыко ужъёсты но малпанъёсты, лыктэлэ мастерское!

Адӟытон ужа: 16-тӥ оштолэзь 11.00 – 19.00, 17-тӥ оштолэзь 10.00 – 19.00, 18-тӥ оштолэзь 10.00 – 18.00, 19-тӥ оштолэзь 10.00 – 16.00. Пыронэз дунтэк. Оргкомитетлэн телефонэз: (3412) 730-730.

Адӟытонлэн программаеныз тодматскыны луэ сайтын rest.vcudm.ru.

Туспуктэм: https://habrahabr.ru/