16-тӥ шуркынмонэ ужзэ мытоз Егитъёслэн «Вместе» йӧскалыккуспо дышетскон центрзылэн куинетӥ сессиез.

Егитъёслэн «Вместе» йӧскалыккуспо дышетскон центрзы – со аспӧртэмлыко улосвылкуспо ӵектос, кудӥз араз кык пол быдэс шаерысьтымы егитъёсты люка Удмуртие. Котькуд форумлэн валтӥсь меретэз – егитъёслы астэ Россилэн кунмуртэз шӧдонэз-валанэз будэтонлы сӥзем ӵектосъёссэс, малпанъёссэс быдэстыны луонлык кылдытон.

Татчы Россилэн пӧртэм сэрегъёсысьтыз мерлыко огазеяськонъёслэн кивалтӥсьёссы но ёзчиоссы, калыкъёслэн эшъяськон юртъёсысьтызы но йӧскалык лулчеберетъя центръёсысь 18-35 аресъем егит ӧнерчиос пырисько.

Таяз сессие 15 улосъёсысь вазиськонъёс вуэмын. Татын егитъёс экспертъёсын гражданской идентичность сярысь кенешозы, йӧскалык лулчеберетлы сӥзем ӵектосъёс бордын ужалозы. Дышетскон занятиос радын азьветлӥсьёс сӥё-дано праздникъёслы сӥзем улосвылкуспо акциос но ӵектосъёс кылдытъялозы. Егитъёслы кичӧлтонъёссэс быдэстыны юрттоз Москваысь калыккуспо тренер, педагогика наукаосъя доктор Сергей Тетерский.