Ӵектосэз 5-тӥ тулыспалэ Калыкъёслэн Эшъяськон юртазы улонэ вӧлмытӥзы. Со югдытӥсь акция, кудаз сӥзьыметӥ классысь дышетскисьёс пыриськозы 30 муниципал кылдытэтъёсысь. Ӵектос калыкъёслэн ог-огенызы мыло-кыдо ужамзылы, этнокультура дышетонлы но калыкъёс куспын урод югдуръёсты палэнтонлы сӥземын.

Ужрадэз радъяло Калыкъёслэн Эшъяськон юртсы, УЭ-ысь Йӧскалык политикая министерство но Егитъёсын ужан политикая министерство.

Эшъяськон урок» – со вачекуспаськись (интерактивной) ужрад. Удмуртиысь йӧскалык-лулчеберетъя огазеяськонъёсын сётэм экспонатъёс пыр пиналъёс калыкъёслэн историенызы, лулчеберетэнызы но улонэнызы тодматскозы. Нылпиос Калыкъёслэн Эшъяськон юртазы музей-лабораторияз экскурсие ветлылозы.

Нырысетӥосыз, кудъёсыз ӵектосэ пыриськизы, Ижкарысь 7-тӥ классысь дышетскисьёс луизы.

Нимысьтыз инты та ужрадын – со «Родина – значит вместе!» патриотизм мылкыдо шудонэн тодматон. Пиналъёсын кылдытэм та шудонъёс тямыс пӧртэм интыосын ортчизы ни. Шудон дас пӧртэм Удмуртиысь калыкъёс сярысь, со юрттэ аспӧртэмлыко удысэ выйыны, эшъяськон но ог-огдэ гажан мылкыд кылдытэ.

Оглом ужрадэ 195 пинал пыриськиз. Ар ӵоже озьы ик малпамын нылпиосын пумиськылыны. «Эшъяськон урок» ужрадэ гожтӥськон понна телефон пыр жингыртыны луэ: 8 (3412) 90-60-85, доб. 417.