6-тӥ инвожое Яр ёросысь Вортча гурт котырын «Көрбан» («Корбан») бесерман йӧскалык шулдыръяськон ортчиз. Ужрад Россиысь калыкъёслэн огъя луэмзылэн арез улсын радъямын вал. Ужрадэ элькунысь делегациос, бесерман мерлыко огазеяськонъёс пыриськизы.

Люкаськемъёсты УЭ-ысь йӧскалык политикая министрлэн воштӥсез Людмила Соковикова ӟечкылаз.

«Көрбан» («Корбан») бесерман йӧскалык шулдыръяськонлэн валтӥсь тодметэз – нылкышно чеберъянъёс.

«Көрбан» шулдыръяськонын йӧскалык чеберъянъёс кылдытонъя мастер-классъёс, «Аби көл» но «Шөдоннёс» ӝӧквыл шудонъёсын площадкаос, «Ворча пал» адӟытон но «Берекет» литературной площадка дасямын вал. Шулдыръяськонэз сӥё-дано усьтэм бере спортъя но кылдытос ужъя вожвылъяськонъёс ортчизы: «Көнаро пиёс» кужымъя но чупырес луэмъя нюръяськон, «Вольная песнь бесермянина» лыдӟисьёслэн вожвылъяськонзы, «Бесермяночка» дизайнеръёслэн адӟытонзы.

Ужрадэ 1000-лэсь трос куноос вуылӥзы. Котькудӥз узыр бесерман лулчеберетэн, сиён-юонэн тодматскиз. Ваньзы вӧсям ӝукез веръязы. Шулдыръяськонэз азьланьтӥзы трос пӧртэм азбаръёс, эктон-кырӟанъёс, тунсыко вожвылъяськонъёс.

«Көрбан» шулдыръяськонлэн радъясьёсыз – УЭ-ысь Йӧскалык политикая министерство, Калыкъёслэн Эшъяськон юртсы, УЭ-ысь бесерман калыклэн огазеяськонэз, Яр ёрослэн администрациез.

Элькунысьтымы улӥсьёслэн йӧскалык шулдыръяськонъёсы пыриськемзы лулчеберетэз утёнлы но азинтонлы юрттэ, йӧскалык кусыпъёсты юнматэ, со «Семья» йӧскалык ӵектослэн азьмугъёсызлы тупа.

Вуоно арын Көрбан Юкаменск ёросын ортчоз.