Калыкъёслэн Эшъяськон юртсы толсуре «Можем-Поможем. Семейный центр социокультурной адаптации мигрантов» ӵектоссэ улонэ вӧлмытыны кутскиз. Проект Росмолодёжлэсь грантсэ утӥз но УЭ-ысь йӧскалык политикая министерствоен улонэ пыӵа.

Таӵе ӵектос нырысетӥзэ ужа, солэн аспӧртэмлыкез – мигрантъёслэн семьяосынызы валче ужан семья субботникъёс пыр. Соос котькуд арня Калыкъёслэн Эшъяськон юртазы пумисько, ӟуч кылэз дышето, масер-классъёсы мыло-кыдо пырисько, каыкъёслэн эшъяськонзы сярысь ӝӧквыл шудонъёсын шудо.

Семья субботникъёс 7-тӥ толсуре усьтӥськизы. 30-лэсь трос семьяос ог-огенызы, ӵектослэн командаеныз но асмылкыдчиосын тодматскизы.

Берпуметӥез субботник туэ ар понна 21-тӥ толсуре орнтчиз. Ужрадъёс толшоре азьланьтӥськозы. «Можем-Поможем. Семейный центр социокультурной адаптации мигрантов» ӵектос сярысь пыр-почгес ВКонтакте огиназ.