12-тӥ оштолэзе «Бадӟым удмурт диктант» арлы быдэ ортчись акция ортчиз. Туэ ужрад Атыкай музъемез утисьлэн арезлы сӥзизы. Та ужрад озьы ик герӟаськемын на Быдӟым Вормонлы 80 ар тырмонэн.

Диктантлы текст дасяз УЭ-ысь Кун премилэн Лауреатэз, РФ-ысь Гожъясьчиослэн но Журналистъёслэн кенешъёслэн ёзчиез Владимир Михайлов. Диктант сӥземын Можга ёросысь Совето Союзлэн Героез Пётр Бабкинлы. Удмурт Гастелло – озьы шуыло Петр Андреевичез, малы ке шуоно огаз ожмаськонын аслэсьтыз пуштытэм аслобетсэ тушмон пала келяз.

Али дырлы радъясьёслэн лыдӟемзыя 2000 пала адями диктантэ пыриськиз, соос 203 площадкаын Удмуртиын но солэн палэназ гожъязы.

Москваын, Коворкинг-Центрын, диктантэз удмурт кылъя курсъёсы ветлӥсьёс гожъязы.

Со сяна, акцие пыриськизы «Мынам Удмуртие» радио пыр кылзыса но «Удмуртия» телеканалэз ӝуатыса. Диктантэз лыдӟиз кылосбур тодосъёсъя кандидат, Удмурт кун университетысь доцент Ольга Стрелкова. Асьсэлэсь тодон-валанъёссэс Алнаш ёросысь Чем-Куюк школаысь кадетъёс но эскеризы.

Акцие пыриськиз йӧскалык политикая министр Эдуард Петров но. «Бадӟым удмурт диктантэз нимысьтыз дасям интыосын гожъяны луэ, озьы ик радио но телевидение пыр. Шумпотымон, арлы быдэ акцие тросгес пырисько. Туннэ диктантэз гожъяса асьмеос удмурт кылъя тодон-валанмес тодэ вайимы но Атыкай музъеммес утисьёсмылы йыбырттӥмы», – пусйиз министр.

На главной площадке в Удмуртском государственном университете написал диктант Председатель Всеудмуртской ассоциации «Удмурт Кенеш» Андрей Ураськин. В своей приветственной речи перед участниками он отметил, что в акции принимают участие все желающие — от школьников до научных сотрудников и общественных деятелей. «Каждый год диктант пишут школьники и студенты, журналисты, научные сотрудники, общественные деятели и все те, кому небезразличен наш удмуртский язык. Участвуя в образовательной акции, мы все вносим вклад в сохранение и развитие культурного наследия удмуртского народа», — сказал он.

Тодэ вайытом, 21-тӥ оштолэзёзь диктантэз гожъясьёс ужъёссэс кулэ келяны «Бадӟым удмурт диктант» пусъетэн таӵе адресъя: 426069, Удмурт Элькун, Ижкар к., Луо ур., 9. Яке луонлык вань diktant2025@yandex.ru  электрон адресэ келяны.

Йылпумъянъёс 30-тӥ куартолэзёзь лэсьтэмын луозы. Сертификатъёсты udmdiktant.ru вотэсбаме пуктозы. Ужъёсты Удмурт кун университетысь удмурт кылосбуръя, финно-угроведениея но журналистикая институтысь тодосчиос эскерозы.

Со сяна Быдӟым Атыкай ож аръёсы Удмуртилэн историезлы но кылызлы сӥзем тест ортчыны луонлык вань. Со нимысьтыз вотэсбамын пуктэмын https://www.udmdiktant.ru/test. Тестэз ортчем бере, нимысьтыз сертификат басьтыны луоз. Акциын 25 юан удмурт но ӟуч кылын ортчыны луоз, ужрадэ 500-лэсь трос адями ни пыриськиз.