19-тӥ южтолэзе «Удмуртиысь азербайджанъёслэн «Достлуг» мерлыко центрзы» мерлыко огазеяськон «Новруз Байрам» праздниклы сӥзем ужрад ортчытоз.

Новру́з (выль нунал) – шунды дырпусъя выль арлэн кутсконэз. Со инкуазьлэсь сайкамзэ, тулыс вуэмез ивортэ. Та праздник азербайджанъёслэн тужгес но яратоно праздниксы луэ. Та нуналэ одӥг ӝӧк котыре ӵыжы-выжыос, матысь адямиос люкасько. Соос ӝуато бадӟым тылскем. Калыкын верало, со тылскем вылтӥ тэтчид ке, висёнъёс бурмо, уродэз палэнэ кошке.

Элькунамы улӥсь азербайджанъёс та шулдыръяськонлы котьку нимысьтыз саклык висъяло. Туэ соос Новрузэз пусъён понна «Тюльпан» кафее люкаськозы. Татчы огазеяськонлэн ёросъёсысь ёзэтъёсызлэн азьветлӥсьёсыз, аксакалъёс, егитъёслэн «Одлар Юрду» огазеяськонзылэн ёзчиосыз ӧтемын. Шулдыртозы люкаськемъёсты азербайджан коллективъёс.

Ватсаса ивортодэт басьтыны луоз таӵе телефонъёсъя: 89128549330 – Зульфигар Мирзаев Рагим оглы, — «Удмуртиысь азербайджанъёслэн «Достлуг» мерлыко центрзы» мерлыко огазеяськонлэн кивалтӥсез; 89128564327 – Махмудова Шахла Орудж кызы — азербайджан кылъя арнянунал школысь дышетӥсь.