18-тӥ шуркынмонысен 28-тӥ шуркынмонозь элькунын Удмурт кыллэн нуналэзлы сӥзем ужрадъёсын бадӟым но яркыт программа улонэ вӧлме. Та праздникез «Удмурт Кенеш» мер огазеяськон 2018-тӥ арын юнматӥз.

Ужрадлэн валтӥсь площадкаез Калыкъёслэн Эшъяськон юртэз луоз. Пиналъёслы 25-27-тӥ шуркынмонэ «Эшъяськонъя урок» ужрадъёс но VR-очкиосты кутыса экскурсиос ортчытэмын луозы.

Программалэн валтӥсь ужрадъёсыз:

26-тӥ шуркынмонэ: «Пичи Кенеш», кудзэ «Удмурт Кенеш» мер огазеяськон радъя, со улсын Трокай Борисов нимо йӧскалык премия сётэмын луоз азьветлӥсьёслы.

26-тӥ шуркынмонэ: Удмурт кылын нимкылъёсъя но шонер гожъяськонъя элькун ӧрилы 30 ар тырмон, сое УЭ-ысь Йӧскалык политикая министерство ортчытэ.

27-тӥ шуркынмонэ: Йӧскалык-лулчеберетъя огазеяськонъёслэн нуналзы УЭ-лэн Кун Кенешаз.

Нимысьтыз саклык онлайн-амалэн радъям ужрадъёслы. 27-тӥ шуркынмонэ «ВКонтакте» вотэсбамын кылбуръёсты лыдӟонъя «Вераськомы анай кылын» онлайн-акция кутске. Яратоно кылбуръёстэс бырйыса видеоролик гожтоно. Тужгес но устоосыз кухьымъёсын пусъемын луозы.

Удмурт кыл 27-тӥ шуркынмонэ 2001-тӥ аре кун инлыкен юнматэмын. 2020-тӥ арысен та дыр календырьын Дунневыл удмурт кыллэн нуналэз шуыса нимлыко пусъемын. Праздникез Удмуртиын сяна мукет улосъёсын ортчыто, кудъёсаз удмуртъёс уло. Та нунал огазея калыкез, дышетэ удмурт кылэз утьыны, гажаны но вӧлмытыны.