11–13-тӥ куарусёнэ Калыкъёслэн Эшъяськон юртсылэн ужасьёссы Дышетонын кивалтонъя муниципал ужъюрт Администрациосысь методистъёслы но дышетон ужъюртъёсысь дышетӥсь-радъясьёслы (педагог-организаторъёслы) семинаръёс ортчытӥзы.

Семинаре пыриськисьёс методической комплект басьтӥзы, кудӥныз соос Удмурт Элькунысь огъядышетсконниосын ас кожазы быгатозы нылпиосын ужаны.

Методической индылэтъёс дышетӥсьёслы туж умой юрттэт сётозы этносъёс куспысь керетонъёсты быдтон удысын, Россиысь калыкъёслэсь историяя но лулчеберетъя ваньбур-узырлыксэс вӧлмытонын, озьы ик школаын урок но уроке пырисьтэм ужрадъёсты ортчытонын.

Та семинар луэ «Родина – значит вместе!» нимо ИгроБум ӵектослэн кутскон этапез. Проект Удмуртиысь нылпиосты но егитъёсты кыскоз дас пӧртэм шудон кылдытыны, кудъёсыз калыкъёслэн эшъяськонзылы, лулчеберет дунлыкъёслы но калыкъёслэн лулпуш сям-йылолъёссылы сӥземын. Пӧртэм ӧръёсысь ӧнерчиос (онлайн, дидактической, коммуникативной, визьбур, ӝӧквыл шудонъёс) асьсэлэн кылдытэм шудонъёсты сярысь нылпиослы мадёзы но дышетозы, кызьы таӵеесь шудонъёсты лэсьтыны луэ.

Россиысь калыкъёслэн огазеяськон Нуналазы элькунамы форум-шудон ортчоз, отчы пыриськисьёс – квест амалэн шудыса – трос йӧскалыкъем огъёзъёссы пӧлын асьсэлэсь ужъёссэс эскерозы но возьматозы.

Ӵектослэн йылпумъясь люкетэз – Удмурт Элькунысь школаослэн огазеяськонъёссы пӧлын шудон конструкторез эскерон но возьматон, отын «Разговоры о важном» нимо 30 интерактив ужрадъёс ортчозы.

Ӵектос быдэстӥське Удмурт Элькунысь йӧскалык политикая министерство но «Движение Первых» юрттэмен.