22-23-тӥ инвожое Удмурт Элькунын «Россиысь финн-угор калыкъёслэн ассоциацизы» огъяросси мерлыко огазеяськонлэн Президиумезлэн кенешонэз радъяськоз

Ужрад сӥземын Россия Федерациысь финн-угор калыкъёслэсь кылъёссэс, сям-йылолъёссэс, лулчебертсэс утён но азинтон ужпумъёсты, инкуазен герӟаськем юанъёсты эскеронлы.

Заседанилэн ужаз пыриськозы экспертъёс, дышетон но тодос удысысь ӧнерчиос, мер огазеяськонъёслэн ёзчиоссы. Сэрттэмын-пертчемын луозы Удмурт Элькунлэн анай кылъёсты, йӧскалык СМИ-осты но финн-угор калыкъёслэсь лулчеберетсэс утёнъя но азинтонъя кун политикаез сярысь юанъёс.

Озьы ик, делегациос шаерысьтымы удмурт но финн-угор калыкъёслы пусйымон тодмо интыосы вуылозы.

Кенешын туннэ нуналлы сюлмаськытӥсь юанъёсъя резолюция кутэмын луоз.