28-29-тӥ шуркынмонэ Ижкарын «Семейная летопись» йӧскалыккуспо фестиваль ортчиз.

Фестивалез радъязы удмурт егитъёслэн “Шунды” мерлыко огазеяськонзы Удмурт Элькунысь йӧскалык политикая министерстволэн но Калыкъёслэн Эшъяськон юртсылэн юрттэмзы улсын.

Ужрад сӥземын вал егит семьяосты юнматонлы, азинтолы, трос пӧртэм калыкъёс пӧлын шудо-буро улыны дышетонлы. Татчы пыриськизы Ижкарысь, Кез но Балезино ёросъёсысь пӧтрэм йӧслыко семьяос.

Дышем сямен туж тунсыко программа дасямын вал егитъёслы: анай-атайёс но пиналъёс тодматӥзы асьсэлэн семьязылэн сям-йылолъёсынызы, веразы тунсыкъяськонъёссы сярысь. Эммы Андреева, Алина Чернова но Виктория Зайцева нылпиосын тунсыо шудонъёс но вожвылъяськонъёс ортчытӥзы, мунё лэсьтыны дышетӥзы. Со вакытэ анай-атайёс психолог-педагоген Лариса Усковаен ӵош семьяын кылдӥсь лэчыт ужпумъёсты сэрттӥзы-пертчизы. Нош жыт фестивале пыриськисьёс «Эктон корка» студиен ӵош тодматскизы пӧртэм калыкъёслэн эктонъёсынызы.