Та коньдонкузьым “Жить вместе” ӟечлэсьтон фондэн радъяське.

Фонд юрттэт сётон понна утча тунсыкъяськись адямиосты но огазеяськонъёсты, кудъёсыз кунмуртлык удысын кичӧлтӥсь луо, мерлык юанъёсты сэртто-пертчо, лулчеберет сям-йылолъёсты азинто.

2023-тӥ аре Премилэн призовой фондэз 1 125 000 манет луэ.

Таяз аре “Жить вместе” Премилэн лауреатъёсыз 5 номинацияя пусъемын луозы:

• “Тодэ ваён” (“Память”) (ӵектосъёс, кудъёсыз сӥземын совето репрессия улсын шуг-секытэ сюремъёслы, генеалогилы сӥзем проектъёс);
• “Лулчеберет” (“Культура”) (театр, крезьгур, адӟытон удысъёслы сӥзем ӵектосъёс, кудъёсыз лулчеберет узырлыкез утёнэн но азинтонэн герӟаськемын);
• “Жаляса юрттон» («Милосердие») (мерлыко ӵектосъёс, кудъёсыз шуг-секытэ сюрем адямиослы огъето юрттэт сётонэн герӟаськемын, гуманитар юрттэт сётон понна кылдэм огазеяськонъёс, озьы ик огъето юрттэт сётонъя сӧзнэтэз выльдонлы сӥзем проектъёс);
• “Черк” (“Церковь”) (ӵектосъёс, кудъёсыз литургиез выльдонэн, лулпуш но черк дышетонэн, приходъёсын но огазеяськонъёсын калыкен вераськон амалъёсын, Россиысь новомученикъёслэсь но исповедникъёслэсь улонзэс сэртон-пертчонэн герӟаськемын);
• “Ӟуч сям-йылолъёс”(“Русская традиция”) (ӵектосъёс, кудъёсыз ӟуч лулчебертэз пӧртэм удысъёсын (гурт крестьян лулчеберет, кар лулчеберет, фольклор) утёнлы но выльдонлы сӥземын).

Премия сярысь пыр-почгес тодыны луэ Фондлэн нимысь вотэсбамысьтыз https://zhitvmeste.ru/ Вконтакте группаын https://vk.com/fond_zhit_vmeste