Элькунын «Удмуртия – пельняньлэн дорез!» («Удмуртия – родина пельменей!») (0+) тунспуктэмъёсъя марафон ялэмын.

Вожылъяськон ортчоз 2022-тӥ арлэн 20-тӥ толсурысеныз 2023-тӥ арлэн 11-тӥ тулыспалозяз.

Фестивальлэн туспуктэмъя марафонэз нырысьсэ 3 этапен ортчоз. Пыриськон понна, ужрадлэсь ортчон дырзэ чакласа, ВКонтакте вотэсбаме куинь хэштэгъёсын тунспуктэмъёс пыртоно. Вань туспуктэмъёс одӥг усьтэм профильысь поттэмын мед луозы.

Нырысетӥ этап «Ческыт ӝытъёс» («Вкусные посиделки») ортчоз 20-тӥ толсурысен 6-тӥ толшорозь. Туспуктэмын луыны кулэ ас калыксылэсь сиёнзэс пӧрась адямиос. Кулэ луись хэштегъёс: #фотомарафон #пельменьфест #этап1

Кыкетӥ этап «Кужым инты» («Место силы») ортчоз 23-тӥ толшорысен 8-тӥ тулыспалозь. Туспуктэмын возьматэмын луыны кулэ пыриськись, кудӥз Удмурт шаерлэн кыӵе ке тунсыко интыяз вуэмын. Пусйыны кулэ со интыез но гожтоно, марлы со инты сыӵе дуно солы. Кулэ луӥсь хэштегъёс: #фотомарафон #пельменьфест #этап2

«Мон яратӥсько Пельняньфестэз! («Я люблю Пельменьфест!») берпуметӥ куинетӥ этапын туспуктэм лэсьтоно 11-тӥ тулыспалэ 11:00 часысен 16:00 часозь «Всемирный день пельменя» нимо площадкаын. Ачиз фотограф но со туспуктэмын мед адӟиськоз. Кулэ луись хэштегъёс: #фотомарафон #пельменьфест #этап3.

Нырысетӥ но кыкетӥ этапысь вормисьёсты 11-тӥ тулыспалэ 2023-тӥ аре Ижкарысь Шор площадьын пусъёзы. Вань этапъёсы пыриськисьёс фестивальлы сӥзем нимысьтыз синпель басьтыны быгатозы.

Пыр-почгес положениен но туспуктэмъя вожвылъяськонэн тодматскыны луэ https://pelmenfest.ru/ но ВКонтакте вотэсбамъёсын https://vk.com/pelmenfest.