Одӥгез валтӥсез соос пӧлысь ӵектос – Глаз ёросысь «Наследие Донды: креативные технологии обработки дерева в стиле лэнд-арт» нимо ӵектос.

Со ӵектос-азьланьтон, кудӥз улӥысьёсын но куноосын яратоно «ДондыДор» этнопаркез выль уровене ӝутоз.

Кутскись авторъёс понна Креативной технологиосъя школа усьтозы. 30 ӧнерчиос но 20 ӧнерчиослэн юрттӥсьёсыз понна дышетон программа радъямын, пуэн ужанъя сям-йылолъёс туала технологиосын пумиськозы.

Ӵектослэн пыриськисьёсыз удмурт калыклэсь мифъёссэ но веранъёссэ эскерозы, асьсэ ужъёссэс муромытыса.

Кылдытэм скульптураосты 20-тӥ инвожое 2026-тӥ аре Глаз ёросысь Коӵышгуртын Гербер шулдыръяськонын сӥё-дано адӟытозы. Собере синпелетъёсты «ДондыДор» парке интыялозы.

Та ӵектос Россиысь калыкъёслэн огъя луэмзылэн арезлы туж тупа, возьматэ, кызьы кылдытос уж, сямъёс но туала устолык пыр кунлэн лулчеберт узырлыкез азинтӥське но юнматӥське.