14-тӥ инвожое Балезино ёросысь Юнда черкогурт котырын «Көрбан» («Корбан») бесерман йӧскалык шулдыръяськон ортчиз. Ужрадэ пыриськыны ӧтисько элькунысь, бускель ёросъёсысь делегациос, бесерман мерлыко огазеяськонъёсысь вань улосчиос но куноос.

Люкаськемъёсты УЭ-ысь йӧскалык политикая министр Эдуард Петров ӟечкылаз.

2025-тӥ арын «Көрбан» («Корбан») бесерман йӧскалык шулдыръяськонлэн валтӥсь тодметэз сандык – йӧскалык сям-йылолъёссылэн семья синпелетсылэн утисез. Праздникын бесерман калыклэн сандыкъёсыныз адӟытон радъяськиз, пӧртэм азбаръёс дасямын вал: «Бесерманка» мунё лэсьтонъя, синпелет сандыкез чеберманъя, горд сӥньыслэсь суйпоскес лэсьтонъя мастер-классъёс, озьы ик «Песянай сандыкысь» («Из бабушкиного сундучка») адӟытон но трос мукет тунсыко вожвылъяськонъёс.

1,5 сюрслэсь трос адями «Көрбан» шулдыръяськонэ вуиз. Котькудӥз узыр бесерман лулчеберетэн, сиён-юонэн тодматскиз. Ваньзы вӧсям ӝукез веръязы. Шулдыръяськонэз азьланьтӥзы трос пӧртэм азбаръёс, эктон-кырӟанъёс, тунсыко вожвылъяськонъёс.

«Көрбан» шулдыръяськонлэн радъясьёсыз – УЭ-ысь йӧскалык политикая министерство, Калыкъёслэн Эшъяськон юртсы, УЭ-ысь бесерман калыклэн огазеяськонэз, «Атай» бесерман лулчеберетъя, история, туризмъя фонд, Балезино ёрослэн администрациез.

Элькунысьтымы улӥсьёслэн йӧскалык шулдыръяськонъёсы пыриськемзы лулчеберетэз утёнлы но азинтонлы юрттэ, йӧскалык кусыпъёсты юнматэ, со «Семья» йӧскалык ӵектослэн азьмугъёсызлы тупа.

Вуоно арын Көрбан Яр ёросын ортчоз.