«Көрбан» – УЭ-ысь ичи коренной бесерман калыклэн вашкала сям-йылолэз. «Көрбан» гужем ортчылӥз бусы ужъёс йылпумъяськем бере. Таяз аре шулдыръяськон (0+) 6-тӥ инвожое Яр ёросысь Вортча гурт котырын ортчоз.

Ужрад 2026-тӥ арлэн, кудзэ Владимир Путин Россиысь калыкъёслэн огъя луэмзылэн ареныз юнматӥз, яркыт ужрадэз луоз. «Көрбан» («Корбан») бесерман йӧскалык шулдыръяськонлэн валтӥсь тодметэз – нылкышно чеберъянъёс.

«Көрбан» шулдыръяськонын йӧскалык чеберъянъёс кылдытонъя мастер-классъёс, «Аби көл» но «Шөдоннёс» ӝӧквыл шудонъёсын площадкаос, «Ворча пал» адӟытон но «Берекет» литературной площадка дасямын луозы. Шулдыръяськонэз сӥё-дано усьтэм бере спортъя но кылдытос ужъя вожвылъяськонъёс ортчозы: «Көнаро пиёс» кужымъя но чупырес луэмъя нюръяськон, «Вольная песнь бесермянина» лыдӟисьёслэн вожвылъяськонзы, «Бесермяночка» дизайнеръёслэн адӟытонзы.

Ужрадэ пыриськыны ӧтисько элькунысь, бускель ёросъёсысь делегациос, бесерман мерлыко огазеяськонъёсысь вань улосчиос но куноос. Элькунысьтымы улӥсьёслэн йӧскалык шулдыръяськонъёсы пыриськемзы лулчеберетэз утёнлы но азинтонлы юрттэ, йӧскалык кусыпъёсты юнматэ, со «Семья» йӧскалык ӵектослэн азьмугъёсызлы тупа.

«Көрбан» шулдыръяськонлэн радъясьёсыз – УЭ-ысь Йӧскалык политикая министерство, Калыкъёслэн Эшъяськон юртсы, УЭ-ысь бесерман калыклэн огазеяськонэз, Балезино ёрослэн администрациез.