Форумын малпамын кун йӧскалык политикаез но, йӧскалык кусыпъёсты юнматонлы но калыкъёслэн тупаса улонзылы сӥзем ӵектосъёсты быдэстонэз эскерыны-кенешыны.Озьы ик эскеремын луозы кичӧлтонъёс, кудъёсыз калыкъёслэсь лулчеберетсэс но кылъёссэс азинтонлы сӥземын.

Ужрадэ пыриськозы мерлыко огазеяськонъёслэн азьветлӥсьёссы, тодосчиос, кун тӧрлык ёзэсъёс. Огъя татчы вуозы Россия Федерациысь 56 улосысь 300-лэсь ятыр адями.

Удмуртиысь форуме пырисько Удмурт Элькунысь йӧскалык политикая министерстволэн но Калыкъёслэн Эшъяськон юртсылэн ӧнерчиосыз, мерлыко огазеяськонъёслэн азьветлӥсьёссы.

Форуме пӧртэм площадкаосы ӧтемын таӵе тодмо адямиос: Максим Шевченко – журналист, калык лулчеберетэн но осконэн герӟаськем удысысь эксперт; Валерий Тишков – академик Этнология но антропология нститутлэн тодосъя кивалтӥсез; Владимир Зорин, Этнология но антропология нститутлэн кивалтӥсезлэн воштӥсез, Россия Федерациысь йӧскалык кусыпъёсъя кенешлэн ёзчиез. Вачераськонъёсы озьы пыриськозы Светлана Смирнова, Россиысь калыкъёслэн ассамблеязылэн кивалтӥсез, Александр Черных, кун йӧскалык политикаез быдэстон удысъя ӧнерчи-эксперт.

Форумлэн программаяз пыртэмын пӧртэм пумо котырес ӝӧкъёслэн, семинаръёслэн, тренигъёслэн ужзы, озьы ик татын радъяськоз «Живая нить»нимо крезьгуро вожвылъяськон, кибашлыослэн киужъёсынызы адӟытон-вузкарон, «Взгляд на страну» нимо фестиваль.ӟ