18-тӥ южтолэзе Россия Федерациын Крымлэсь Россие пырэмзэ пусъё. Та нуналэ 2014-тӥ арын ваньмыныз яратымон, дано кылбурчиослэн кылбуръёсазы ӵем пумиськись мукож (полустров) нош асьмелэн луиз. Та пусйымон нуналэ «Культура для школьников» ӵектос «Крымские истории» акциен тодматэ. 18-тӥ южтолэзьысен 2-тӥ оштолэзёзь школаын дышетскисьёс асьсэлэсь быгатонлыксэс куинь номинацияя возьматыны быгатозы. Соос пӧлын: Крым сярысь кылбур верано, мукожысь лулчеберетъя дано интые вуылэм сярысь мадёс гожтоно яке Крым инкуазез суредано.

Ужъёсты ВКонтакте вотэсбамын #крымкдш хештэгъёсын поттоно.

Дунъясьёс 30 тужгес но ӟеч ужъёсты быръёзы. Нош быдэстӥсьёсты нимысьтыз сертификатъёсын, кузьымъёсын данъеталозы.

Озьы ик 18-тӥ южтолэзьысен 2-тӥ оштолэзёзь «Крымские недели в КДШ» ялэмын: Культурадляшкольников.РФ но ВКонтакте вотэсбамъёсын видеороликъёсты возьматозы, отын тодмо актёръёс дышетскисьёслы Крым сярысь кылбуръёс лыдӟозы. Пиналъёслы Россия Федерациысь дано суредась Леонид Алексеевич Малафеевский «Крымский пейзаж» мастер-класс ортчытоз, «пастель» техника-амалэн тодматоз. Вконтакте вотэсбамын дышетскисьёсты возьмалозы Крым сярысь тунсыко ивортодэтъёс но викторинаос.